Dosti pehli baarish ki boondon mein hai
Dosti khilte phoolon ki khushboo mein hai
Dosti dhalte suraj ki kirnon mein hai
Dosti har naye din ki umeed hai
Dosti khwaab hai, dosti jeet hai
Dosti pyar hai, dosti geet hai
Dosti do jahanon ka sangeet hai
Dosti guroor hai, dosti ibadat hai,dosti vishwas hai
Dosti do dilon ke beech panapta ehsaas hai
Dosti har khushi, dosti zindagi
Dosti roshni, dosti bandagi hai
Dosti sang chalti hawaon mein hai
Dosti in barasti ghataon mein hai
Dosti doston ki wafaon mein hai
Haath utha kar jo maangi hai dua
Dosti ka asar un duaon mein hai